შენი მოკავშირეები მეტყველებენ იმაზე, თუ ვინ ხარ - ამის შესახებ საქართველოს პრეზიდენტმა გიორგი მარგველაშვილმა "ტვიტერზე" დაწერა.
"შენი მოკავშირეები მეტყველებენ იმაზე, თუ ვინ ხარ. დღეს რუსეთის მოკავშირე ასადის რეჟიმია, რომელიც ცნობილია ქიმიური იარაღით ბავშვების მოკვლით", - წერს საქართველოს პრეზიდენტი.
სირიის არაბულმა რესპუბლიკამ ოკუპირებული აფხაზეთისა და "სამხრეთ ოსეთის" დამოუკიდებლობა დღეს აღიარა. ამის საპასუხოდ საქართველომ სირიასთან დიპლომატიური ურთიერთობების გაწყვეტის პროცესი დაიწყო.