დონალდ ტრამპი კიმ ჩენ ინს 5 ვარსკვლავიან სასტუმროში შეხვდება - სად გაიმართება ისტორიული სამიტი

დონალდ ტრამპისა და ჩრდილოეთ კორეის ლიდერის კიმ ჩენის ინის ისტორიული შეხვედრის ჩასატარებლად ადგილი უკვე შერჩეულია. ორი ქვეყნის ლიდერი მოლაპარაკებას სინგაპურის კუნძულ სენტოსაზე მდებარე მდიდრულ სასტუმროს კომპლექსში გამართავს. აღნიშნული ინფორმაცია თეთრმა სახლმა დაადასტურა.

თეთრი სახლის პრეს-მდივანმა, სარა სანდერსმა, "ტვიტერის" საკუთარ გვერდზე დაწერა, რომ სამიტი 5-ვარსკვლავიან სასტუმროში "კაპელაში" გაიმართება. როგორც ჩანს, დონალდ ტრამპი და კიმ ჩენ ინი სხვადასხვა ადგილას აპირებენ ცხოვრებას. სინგაპურის გამოცემის Straits Times-ის ინფორმაციით, თეთრი სახლის ლიდერი, სავარაუდოდ, სასტუმრო "შანგრი-ლა"-ში გაჩერდება, რომელსაც აქამდეც არაერთხელ მიუღია ამერიკის პრეზიდენტები, კიმ ჩენ ინი კი სასტუმრო "სენტ რეჯის სინგაპურ"-ში იცხოვრებს. განაგრძეთ კითხვა