ძმის მიერ დაჭრილ გოგონას ჭრილობები მხრის და გულ-მკერდის არეში აღენიშნება

ზუგდიდში ძმის მიერ დაჭრილ გოგონას ჭრილობები მხრის და გულ-მკერდის არეში აღენიშნება. ამის შესახებ „ინტერპრესნიუსს“ ზუგდიდის ჰოსპიტალში განუცხადეს.

მათივე ინფორმაციით, გოგონას ჯანმრთელობის მდგომარეობა დამაკმაყოფილებელია.

თავის მხრივ, შსს-ს ინფორმაციით, დანაშაულში ეჭვმიტანილი დაკავებულია.

ძმამ და დღეს დილით, შელაპარაკების ნიადაგზე, სავარაუდოდ, დანით დაჭრა. დაჭრილი საავადმყოფოშია გადაყვანილი.

ზუგდიდში, დადიანების მუზეუმის ეზოში, ქალის დაჭრის ფაქტზე შინაგან საქმეთა სამინისტრომ გამოძიება 11 პრიმა 117-ე მუხლით დაიწყო, რაც ოჯახური ძალადობით ჯანმრთელობის მძიმე დაზიანებას გულისხმობს. აღნიშნული მუხლი 3-დან 6 წლამდე თავისუფლების აღკვეთას ითვალისწინებს.