"გამაგებინონ, სად ჰყავთ ჩემი შვილი და რა მიზეზით" - ოჯახი გაუჩინარებულ ბესლან წუწაშვილს ეძებს

"გამაგებინონ, სად ჰყავთ ჩემი შვილი და რა მიზეზით" - ოჯახი გაუჩინარებულ ბესლან წუწაშვილს ეძებს

პანკისელი ბესლან წუწაშვილის დედა დღეს თბილისში, სახელმწიფო უსაფრთხოების სამსახურში მისვლას გეგმავს. ლეილა უმაროვა უწყებას შვილის საქმით დაინტერესებისკენ მოუწოდებს.

უმაროვა ფიქრობს, რომ შვილის ადგილსამყოფელის და მისი დაკავების შესახებ ინფორმაციის მიღებას სუს-ის დახმარებით შეძლებს. "გროზნოში მყავს ნათესავები და ისინი მეხმარებიან. ვეძებთ, სადაც შეგვიძლია, მაგრამ ვერაფერს ვიგებთ. გადავწყვიტე ქართულ მხარეს და უსაფრთოების სამსახურს მივმართო. ვფიქრობ, ისინი შეძლებენ ჩემი შვილის შესახებ ინფორმაციის მოძიებას. ის საქართველოს მოქალაქეა და ტერორისტი რომ ყოფილიყო ხომ აქვე დაკავებდნენ?! ვითხოვ დახმარებას. გამაგებინონ, სად ჰყავთ ჩემი შვილი და რა მიზეზით", - განუცხადა „ინტერპრესნიუსს“ ლეილა უმაროვამ.

ბესლან წუწაშვილის გაუჩინარების შესახებ ინფორმაცია 19 ივნისს გავრცელდა. როგორც "ინტერპრესნიუსს" ადგილობრივმა მცხოვრებმა მალხაზ მუთოშვილმა განუცხადა, წუწაშვილი საქართველოდან გროზნოში აპირებდა გადასვლას, რა დღესაც ის საზღვარზე დააკავეს. შინაგან საქმეთა სამინისტრო პანკისელი ბესლან წუწაშვილის ძებნის საქმეში ჩართულია. უწყების ცნობით, ახალგაზრდის გაუჩინარების შესახებ ოჯახმა აცნობა, რის შემდეგაც სამძებრო ოპერაცია აქტიურად მიმდინარეობს.

"ბავშვის დედა კართან მუხლებზე მდგომი დამხვდა, სიტყვებს თავს ვერ უყრიდა" - სცენიდან ომში და ომიდან სამაშველო სამსახურში წასული ბიჭის ამბავი

"ბავშვის ოპერაცია 300 000 ევრო ჯდება და სანამ თანხას არ გადავურიცხავთ, არაფერს უკეთებენ" - პატარა ანიტას დახმარება სჭირდება

"ვაჟა გაფრინდაშვილი მონაწილეობდა 2008 წლის აგვისტოს მოვლენებში, როგორც ექიმი" - ე.წ.სამხრეთ ოსეთის დე ფაქტო КГБ