" თურქეთი აწყობს დემოკრატიულ რევოლუციას"- ერდოღანი საარჩევნო უბანზე იმყოფებოდა

თურქეთის მოქმედმა პრეზიდენტმა რეჯეფ თაიპ ერდოღანმა ქვეყანაში მიმდინარე ვადამდელ არჩევნებში საკუთარი პოზიცია უკვე დააფიქსირა. ის საარჩევნო უბანზე მეუღლესთან და სიძესთან - ქვეყნის ენერგეტიკისა და ბუნებრივი რესურსების მინისტრთან ერთად მივიდა.

ადგილობრივი მედიის ინფორმაციით, საარჩევნო უბანზე განსაკუთრებით იყო დაცული უსაფრთხოების ზომები.

„ამ არჩევნებს გააჩნია განსაკუთრებულობა. ამ არჩევნების დამსახურებით, თურქეთი აწყობს პრაქტიკულად, დემოკრატიულ რევოლუციას“, - განაცხადა პრეზიდენტმა.

მან კმაყოფილება გამოხატა მოქალაქეთა აქტიურობის გამო და აღნიშნა, რომ ამ დროისთვის 50%-ზე მეტმა ადამიანმა ხმა უკვე მისცა.