სასესხო ვალდებულებისას შესაძლოა წარმოიშვას ისეთი გაუთვალისწინებელი გარემოებები, რომელიც ხელს შეგიშლით თანხის დროულად დაფარვაში. ასეთი საპატიო გარემოებებია: სამსახურიდან დათხოვნა, ხანგრძლივი მივლინება, ავადმყოფობა და სხვა ოჯახური გარემოებები. საპატიო მიზეზების დადასტურებისას, საკრედიტო კომპანია მზადაა მოლაპარაკებაზე წავიდეს მსესხებელთან, შეადგინოს ინდივიდუალური გრაფიკი და გაითვალისწინოს მსესხებლის სახეცვლილი გარემოება. თუმცა, გავრცელებულია ისეთი არასაპატიო მიზეზებიც, როგორიცაა გულმავიწყობა და სწორედ, აღნიშნული გარემობა წარმოშობს ჭარბვალიანობას ქვეყანაში. როცა მომხმარებელი გააზრებულად იღებს ახალ ვალს, წინა ვალის გადასაფარად და ისევ კრედიტის გადახდის დღის მოახლოვებამდე არ ფიქრობს მისი დაფარვის გზებზე.
გაუაზრებლად აღებული სესხის შედეგად, მომხმარებელს ვადაგადაცილებულ სესზე ეკისრება ჯარიმები და ყველა იმ სანქციების ამოქმედება, რაც სასესხო ხელშეკრულებაში იყო მითითებული, თუმცა როგორც წესი, მომხმარებელი მას არ ეცნობა ისე ახდენს თანხის მიღებას.
აუცილებლად გაეცანით საკრედიტო ხელშეკრულებას, რათა სესხის დაფარვის მომენტში თქვენთვის სიახლე არ იყოს საპროცენტო განაკვეთი, საკომისიოების ან ჯარიმების ოდენობა. აღნიშნული თავიდან აგარიდებთ უხერხულ გარემოებებს და არ მოგიწევთ მობილური ტელეფონის შეცვლა, სახლიდან გადამალვა ან კრედიტ ინფოში ნეგატიურ სტატუსში ყოფნა, რაც საბოლოო ჯამში აისახება თქვენს საკრედიტო ისტორიაზე.
რა მემუქრება, თუკი არ გადავიხდი სესხს?
როგორც საბანკო-საკრედიტო სექტორში აცხადებენ, ხშირია შემთხვევები, როდესაც მსესხებელი განზრახულად უარს ამბობს თავის საკრედიტო ვალდებულებების დაფარვაზე. ამ შემთხვევაში, სესხის გამცემ ორგანიზაციებს იურიდიული უფლება აქვთ მიმართონ გარე კოლექტორ კომპანიებს თანხის დასაბრუნებლად ან საქმე გადასცენ სასამართლოს.
გარე კოლექტორის ფუნქცია ამ შემთხვევაში წარმოადგენს სესხის თანხის ამოღებას, რაც არასასიამოვნო პროცესი შეიძლება აღმოჩნდეს მსესხებლისათვის. გარე კოლექტორ კომპანიაში მუშაობენ სესხის ამოღების სპეციალისტები, შესაბამისად, მათ ამოცანას თანხის დაბრუნება წარმოადგენს. ლოგიკურია, სესხის გამცემი კომპანიებიც და გარე კოლექტორები ითხოვენ კუთვნილი თანხის დაბრუნებას, მაშინ როდესაც მსესხებელმა აღნიშნული თანხა საკუთარი კეთილდღეობისთვის გამოიყენა და არ ჩათვალა თავი ვალდებულად, იგი უკან დაებრუნებინა.
ამიტომ, უმჯობესია თანხა დროულად იქნას დაფარული, რათა ვადაგადაცილებულ თანხაზე კიდევ უფრო მეტი ჯარიმის დარიცხვა არ მოხდეს. შეხსენებითი სახის მოკლე ტექსტურ შეტყობინებებსა და ზარებზე პასუხი პრაქტიკაში უფრო მეტი წარმატებულად დაფარული სესხით დასრულებულა, ვიდრე მისგან დამალვა და თავის დაღწევა.
თუკი სესხი დროულად ვერ დაფარეთ, უმჯობესია თავად მოახდინოთ კომპანიასთან მოლაპარაკების დაწყება, რათა ამან ნეგატიური გავლენა არ მოახდინოს თქვენს საკრედიტო ისტორიაზე. დაიწყეთ საუბარი სასურველი გადახდის გრაფიკზე, ნაწილ-ნაწილ გადახდის ვარიანტებზე.
თუკი მსესხებელი 90 დღის განმავლობაში უარს აცხადებს სესხის გადახდაზე, ფინანსურ ორგანიზაციას უფლება აქვს მიმართოს სასამართლოს. შემთხვევების დაახლოებით 95%-ს, სასამართლო აკმაყოფილებს მომთხოვნი მხარის სარჩელს. სააღსრულებლო ფურცლის ჩაბარებიდან მოვალე ვალდებულია სესხის ძირი თანხა დაუფაროს საკრედიტო კომპანიას.
გახსოვდეთ, რომ ნებისმიერი საკრედიტო ორგანიზაციის მიზანია კლიენტს სიტუაციიდან გამოსვლის გზა შესთავაზოს და ორმხრივ შეთანხმებას მიაღწიოს, ამიტომ იმოქმედეთ ლეგალურ ჩარჩოებში და უკეთ მართეთ საკუთარი ფინანსური ვალდებულებები.
R