თერჯოლის რაიონში, საგვარჯილეს კარსტული მღვიმის არქეოლოგიური გამოკვლევა მიმდინარეობს. როგორც ექსპედიციის ერთ-ერთმა წევრმა, პალეოლოგიისა და ანთროპოლოგიის კვლევითი ინსტიტუტის დირექტორმა თენგიზ მეშველიანმა „ინტერპრესნიუსს“ განუცხადა, აღმოჩენილია მეტად საინტერესო ზედაპალეოლითური ხანის მასალა-კაჟისა და სხვა მასალის იარაღები, ასევე საწარმოო ნარჩენები.
„ადამიანის-მონადირე შემგროვებლებისა და თანამდევი ფაუნისა და ფლორის 15-12 ათასი წლის ნამარხი ნაშთები აღმოვაჩინეთ. აღმოჩენილი მასალა გადაიგზავნება საქართველოს ეროვნულ მუზეუმში“, - განაცხადა თენგიზ მეშველიანმა.
საგვარჯილეს კარსტული მღვიმე, რომელიც ძევრულას ჩაკეტილ ხეობაში ზღვის დონიდან 220 მეტრზე მდებარეობს, მრავალფენიანი არქეოლოგიური ძეგლია.
ნახეთ ასევე: უნიკალური აღმოჩენა ხობში, რომელმაც ქართველ მეცნიერებში დიდი ინტერესი გამოიწვია