შსს-მ 20 წლის კოკა კობალაძეზე თავდასხმის ფაქტის შესწავლა დაიწყო

თბილისში ახალგაზრდა მამაკაცს საკუთარ საცხოვრებელ სახლში თავს დაესხნენ. როგორც Ambebi.ge-ს შინაგან საქმეთა სამინისტროში განუცხადეს, ფაქტის შესწავლა უწყებამ უკვე დაიწყო, გამოძიებას კი, პროკურატურა დაიწყებს.

არსებული ინფორმაციით, 20 წლის კოკა კობალაძე ამ დროისთვის ღუდუშაურის კლინიკაში იმყოფება. ექიმის განცხადებით, პაციენტი კლინიკაში გუშინ საღამოს სასწრაფო დახმარების ბრიგადამ შეიყვანა. მას სახეზე ზედაპირული დაზიანებები აღენიშნებოდა და მონიტორინგის მიზნით ნევროლოგიურ განყოფილებაშია მოთავსებული.