აშშ-ს პრეზიდენტმა დონალდ ტრამპმა განაცხადა, რომ მტკიცედ არის განწყობილი 2020 წელს საპრეზიდენტო არჩევნებში მონაწილეობასთან დაკავშირებით. ამის შესახებ მან ბრიტანული გამოცემა Daily Mail-სთვის მიცემულ ინტერვიუში განაცხადა.
„რაც შეეხება 2020 წლის საპრეზიდენტო არჩევნებს, მტკიცედ ვარ განწყობილი. როგორც ჩანს, ყველას სურს, რომ კანდიდატურა წამოვაყენო“, - აღნიშნა აშშ-ს პრეზიდენტმა.
კითხვას, ხედავს თუ არა ის „დემოკრატებს“ შორის ვინმეს, ვინც მას კონკურენციას გაუწევდა, აშშ-ს პრეზიდენტმა უპასუხა: „არა, „დემოკრატებს“ შორის არავის ვხედავ, ვინც მე კონკურენციას გამიწევდა. მათ არ ჰყავთ სწორი კანდიდატი“.