ხორავას ქუჩაზე მოზარდების მკვლელობის საქმესთან დაკავშირებით დაკავებულ არასრულწლოვანს ბრალი წაუყენეს - დედის კომენტარი
ხორავას ქუჩაზე მოზარდების მკვლელობის საქმესთან დაკავშირებით დაკავებულ არასრულწლოვანს ბრალი ოფიციალურად წაუყენეს. დ.ღ.-ს მშობლებმა პოლიციის მთავარი სამმართველოს შენობა ცოტა ხნის წინ დატოვეს. როგორც ბრალდებულის დედა ამბობს, არასრულწლოვანს არავითარი ცრუ ჩვენება არ მიუცია და შესაბამისად, ის ბრალს არ აღიარებს.
"არავითარი ცრუ ჩვენება არ მიუცია. ყველაფერს სასამართლოში ისაუბრებს. ბრალს არ აღიარებს. სასამართლოზე ის თქვა, რაც მოხდა და დაინახა", - განაცხადა დ.ღ.-ს დედამ.
რაც შეეხება ბრალის შესაძლო დამძიმებას, რაზეც მოკლული დავით სარალიძის მამა ზაზა სარალიძე საუბრობს, არასრულწლოვანის მშობელი ამ ინფორმაციას მცდარს უწოდებს.
ხორავას ქუჩაზე ორი მოზარდი 2017 წლის 1-ელ დეკემბერს დაჭრეს. ერთი მოზარდი საავადმყოფოში მიყვანამდე გარდაიცვალა, მეორე კი, ექიმების მცდელობისა და რამდენიმე ოპერაციის ჩატარების მიუხედავად, 2 დეკემბერს, საავადმყოფოში დაიღუპა.
მოზარდების მკვლელობის საქმის ხელახალი ძიება მას შემდეგ დაიწყო, რაც თბილისის საქალაქო სასამართლოში მკვლელობაში ბრალდებული ორი მოზარდის მიმართ განაჩენი დადგა.
თბილისში ცნობილ ნეიროქირურგს სცემეს - "ათასობით ადამიანის გადამრჩენს ვიღაც ველური ცემს..."
შსს-ს გაფრთხილება აქციის მონაწილეებს - უწყება განცხადებას ავრცელებს
