თურქეთის სამართალდამცავმა ორგანოებმა სტამბულში ტერორისტული დაჯგუფება „ისლამურ სახელმწიფოსთან“ კავშირსა და ტერაქტების მომზადებაში ეჭვმიტანილი 39 უცხოელი დააკავა. ამის შესახებ „ანადოლუ“ პოლიციაში საკუთარ წყაროზე დაყრდნობით წერს.
სააგენტოს ინფორმაციით, პოლიციის კონტრტერორისტულმა დანაყოფებმა ქალაქის 6 რაიონში, 12 მისამართზე ერთდროულად რამდენიმე რეიდი ჩაატარეს.
ოპერაციის დროს სამართალდამცველებმა ასევე დოკუმენტაცია და ციფრული აღჭურვილობა ამოიღეს.