სინოპტიკოსების პროგნოზით, 14-15 აგვისტოს, შავი ზღვის სანაპიროზე უნალექო ამინდია მოსალოდნელი. როგორც „ინტერპრესნიუსს“ საქართველოს გარემოს ეროვნული სააგენტოს ჰიდრომეტეოროლოგიური პროგნოზების ცენტრის ხელმძღვანელმა სვეტლანა ნიორაძემ განუცხადა, უახლოესი სამი დღის განმავლობაში სრული გამოდარება არაა მოსალოდნელი.
„პერიოდულად ხანმოკლე წვიმა მოსალოდნელია. ხვალ ტემპერატურა როგორც აღმოსავლეთ, ისე დასავლეთ საქართველოში +24-29 გრადუსის ფარგლებშია მოსალოდნელი, თბილისში +28 გრადუსი. ხვალ დასავლეთ საქართველოში დროგამოშვებით იქნება წვიმა, აღმოსავლეთ საქართველოში კი - ზოგიერთ ადგილზე. 14-15 აგვისტოს დასავლეთ საქართველოს მთიან და მაღალმთიან რეგიონებში ზოგან იწვიმებს, დაბლობზე და შავი ზღვის სანაპიროზე უმეტესად უნალექო ამინდი იქნება. სტიქიურ მოვლენებს აღარ ველოდებით. გუშინ დაფიქსირდა ძალიან დაბალი ტემპერატურა, თბილისში იყო 21 გრადუსი, კახეთში კი 16-19 გრადუსამდე“, - განაცხადა ნიორაძემ.