ჩვენმა გუნდმა აიღო რამდენიმეკვირიანი პაუზა და ვაკვირდებით მოვლენებს, - ასე უპასუხა პრემიერ-მინისტრმა მამუკა ბახტაძემ მთავრობის სხდომის დაწყებამდე გამართულ პრესკონფერენციაზე კითხვას იმასთან დაკავშირებით, დაუჭერს თუ არა მხარს მმართველი გუნდი საპრეზიდენტო არჩევნებზე სალომე ზურაბიშვილის კანდიდატურას.
როგორც პრემიერმა აღნიშნა, მმართველი გუნდი აკვირდება იმასაც, თუ რომელი კანდიდატები დარეგისტრირდებიან და ამის შემდგომ მიიღებს გადაწყვეტილებას.
„რაც შეეხება სალომე ზურაბიშვილის მხარდაჭერას, ჩვენმა პოლიტიკურმა გუნდმა აიღო რამდენიმეკვირიანი პაუზა. ჩვენ ვაკვირდებით მოვლენებს, ამავე დროს ვაკვირდებით იმასაც, თუ რომელი კანდიდატი დარეგისტრირდება და მონაწილეობის სურვილს გამოთქვამს. ამის შემდგომ მივიღებთ გადაწყვეტილებას,“ - აღნიშნა მამუკა ბახტაძემ.