რა მდგომარეობაში არიან ტრაპიზონში მომხდარი ავარიის შედეგად დაშავებული საქართველოს მოქალაქეები

ტრაპიზონში მომხდარი ავტოსაგზაო შემთხვევის დროს დაშავებული საქართველოს ერთი მოქალაქე თურქეთის საავადმყოფოდან გაწერეს და საჭიროების შემთხვევაში ის მკურნალობის კურსს ბათუმში გააგრძელებს, - ამის შესახებ „ინტერპრესნიუსს“ აჭარის ჯანდაცვის მინისტრმა ზაალ მიქელაძემ განუცხადა.

მისი თქმით, ტრაპიზონის საავადმყოფოში საქართველოს ორი მოქალაქე, ცოლ-ქმარი ისევ რჩება. მამაკაცი რეანიმაციულ განყოფილებაში განაგრძობს მკურნალობას.

შეგახსენებთ, რომ რამდენიმე დღის წინ თურქეთში, ქალაქ ტრაპიზონში ავტოსაგზაო შემთხვევის შედეგად საქართველოს სამი მოქალაქე დაშავდა.