ბორჯომ-ხარაგაულის ნაკრძალის უფროსის მოვალეობის შემსრულებელი ტრაგიკულად დაიღუპა - "ხანძრის დროს წაქცეულმა ხემ იმსხვერპლა"
დღეს, ბორჯომ-ხარაგაულის ეროვნულ პარკში გაჩენილი ხანძრის ქრობის პროცესში, გარემოს დაცვისა და სოფლის მეურნეობის სამინისტროს დაცული ტერიტორიების ბორჯომ-ხარაგაულის ნაკრძალის უფროსის მოვალეობის შემსრულებელი 43 წლის ივანე კუპრაძე დაიღუპა. ინფორმაციას დაცული ტერიტორიების სააგენტო ავრცელებს. როგორც განცხადებაშია ნათქვამი, კუპრაძე ხანძრის დროს წაქცეულმა ხემ იმსხვერპლა.
"ივანე კუპრაძე ბორჯომ-ხარაგაულის ეროვნულ პარკში 2003 წლიდან მუშაობდა. გამორჩეული და თავდადებული შრომისთვის არაერთხელ აქვს მიღებული მადლობის სიგელი. იგი გამოირჩეოდა ბრაკონიერებთან შეუპოვარი ბრძოლით და ხშირად ჩაუგდია თავი საფრთხეში.
შინაგან საქმეთა სამინისტროს ბორჯომის რაიონულ სამმართველოში გამოძიება სიცოცხლის გაუფრთხილებლობით მოსპობის ფაქტზე, სისხლის სამართლის კოდექსის 116-ე მუხლის პირველი ნაწილით დაიწყო. საქართველოს გარემოს დაცვისა და სოფლის მეურნეობის სამინისტრო და დაცული ტერიტორიების სააგენტო ღრმა მწუხარებას გამოთქვამს მომხდარის გამო და უსამძიმრებს გარდაცვლილის ოჯახს" - ნათქვამია დაცული ტერიტორიების სააგენტოს მიერ გავრცელებულ ინფორმაციაში.
არსებული ინფორმაციით, ხანძარი მოქალაქეების დაუდევრობის შედეგად გაჩნდა.
მობილური თამაშების ადგილობრივი ბაზრის განვითარებისთვის, ბილაინი დეველოპერებისთვის ჰაკათონს ატარებს - „შექმენი თამაში და გახდი ბილაინის პარტნიორი“
"გაიგეს, რომ მოვდივარ და სურთ, შემაჩერონ“ - მუხთარლი აცხადებს, რომ თბილისში გამომგზავრებაში საქართველოს საკონსულო ხელს უშლის
