ავტორი:

არაბ ქალთან ერთად საუზმისთვის მამაკაცი დაიჭირეს

არაბ ქალთან ერთად საუზმისთვის მამაკაცი დაიჭირეს

ეგვიპტელი მამაკაცი, რომელმაც სოცქსელში გააზიარა ვიდეო, როგორ საუზმობს საუდელ ქალთან ერთად, დაიჭირეს. ინფორმაციას „ბიბისი“ ავრცელებს.

კადრებში ჩანს, რომ ქალს სახე სრულად აქვს დაფარული. საუდის არაბეთის კანონმდებლობის შესაბამისად, სხვადასხვა კაფეში, მაგალითად - „მაკდონალდსა“ და „სტარბაქსში“ ოჯახები და მარტოხელა მამაკაცები სხვადასხვა სივრცეში სხდებიან. ქალები მამაკაცებისგან მოშორებით უნდა მოთავსდნენ.

ამასთან, საუდელ ქალებს მარტო წასვლა ბევრგან არ შეუძლიათ, მათ უნდა ახლდეთ მამაკაცი - მამა, ქმარი, ძმა ან - ვაჟი.

ეგვიპტელი მამაკაცი საუდის არაბეთის შრომისა და სოციალური განვითარების სამინისტროს წარმომადგენლებმა დააკავეს. არაბული ჰეშთეგი „ეგვიპტელი მამაკაცი საუდელ ქალთან ერთად საუზმობს“ „ტვიტერზე“ 113 000-ჯერ გამოიყენეს.

30 წამიანი ვიდეოს დასასრულს ქალი მამაკაცს საკუთარი ხელით აჭმევს, ამ ეპიზოდმა კი სოციალური ქსელების მომხმარებლები ყველაზე მეტად გააღიზიანა. მათ უმეტესობას აინტერესებს, რატომ დაისაჯა მამაკაცი და არა ქალი.

ალინა კაბაევა მილიარდერი გახდა - მედიის მტკიცებით, ყოფილმა ტანმოვარჯიშემ პუტინისგან ტყუპები გააჩინა

მაქმანებიანი შავი კაბა და ულამაზესი საყურე -  ქეით მიდლტონი მუსიკალურ წარმოდგენაზე  შეუდარებლად გამოიყურებოდა

"საქართველოში მორიგი ფერადი რევოლუცია არ შედგა" - რას წერს რუსული მედია თბილისში მიმდინარე პროცესებზე