ხალხური მედიცინა ის საგანძურია, რომელსაც დღესაც აქტიურად იყენებენ ოჯახები თუ დიდი ფარმაცევტული კომპანიები. მცენარეები, რომლებსაც საუკუნეების წინ ამა თუ იმ დაავადებასთან საბრძოლველად იყენებდნენ, თანამედროვე ცხოვრებაშიც აქტუალურია.
ამჯერად სწორედ ერთ-ერთ ასეთ მცენარეს, სოინჯს წარმოგიდგენთ.
სოინჯი ერთწლოვანი ბალახოვანი მცენარეა, რომელსაც ძალიან ლამაზი ყვავილი აქვს, თუმცა იგი თავისი სამკურნალო თვისებებით უფრო არის ცნობილი. გურიაში მას შავკაკალას უწოდებენ, სამეგრელოში - უჩა კაკალს, ხოლო აჭარაში - სისამსა და ცისამს.
სოინჯის მარცვლებისაგან მიღებული ზეთის, როგორც სამკურნალო თვისებების მქონე საშუალების გამოყენება ჯერ კიდევ 2000 წლის წინ დაიწყეს. სოინჯის ზეთს, როგორც კოსმეტიკური ასევე, სამედიცინო დანიშნულებისათვის იყენებდა კლეოპატრა და ტუტანხამონი, რომლის სამარხშიც კი იყო იგი აღმოჩენილი.
ისტორიულად ცნობილია, რომ სოინჯის ზეთი გამოიყენებოდა თავის ტკივილის, კბილის ტკივილის, გაჭედილი ცხვირის, ასთმის, ართრიტის და ნაწლავური ჭიების სამკურნალო საშუალებად. მას ასევე იყენებდნენ კონიუნქტივიტის, ინფექციის კერის და პარაზიტების წინააღმდეგ.
დღეს სოინჯის ზეთი ძირითადად გამოიყენება ასთმის, დიაბეტის, ჰიპერტენზიის სამკურნალოდ, ასევე სპერმატოგენეზის გაუმჯობესებისა და მკერდის ტკივილის (მასტალგიის) დროს. არსებობს მეცნიერული მტკიცებულებები, რომ სოინჯის ზეთი ხელს უწყობს იმუნიტეტის ამაღლებას, სიმსივნის პრევენციას და ამცირებს ალერგიულ რეაქციას, მოქმედებს რა, როგორც ანტიჰისტამინური საშუალება.
თანამედროვე მედიცინა ამ მცენარეს სოინჯის ზეთის კაფსულების სახით გვთავაზობს. სოინჯის ზეთი მიიღება ცივი წნეხის ტექნოლოგიის გამოყენებით, რომელიც უნარჩუნებს მას კვებით და ბიოლოგიურ ღირებულებებს.
სოინჯის ზეთი მდიდარია E, D, C და B ჯგუფის ვიტამინებით. ის შეიცავს 50-მდე კატალიზატორს, რომელიც ხელს უწყობს უჯრედულ ბიოსინთეზს და 100-მდე ბიოლოგიურად აქტიურ ნივთიერებას, მათ შორის: ნიგელონს, კაროტინოიდ A-ს, უჯერ-ცხიმოვან მჟავებს: ომეგა-3, 6 და 9, ფოსფოლიპიდებს, ეთერზეთებს. სოინჯის ზეთის შემადგენლობაში არის ჯანმრთელობისათვის მნიშვნელოვანი მაკრო და მიკრო ელემენტები: კალიუმი, ნატრიუმი, ფოსფორი, კალციუმი, მანგანუმი, რკინა, თუთია, სპილენძი, სელენიუმი და სხვა.
სოინჯის ზეთის კაფსულები რეკომედნირებულია მათთვის, ვისაც აწუხებს: