15-18 ოქტომბერს დასავლეთ საქართველოში შენარჩუნებული იქნება თბილი და უმეტესად უნალექო ამინდი, ხოლო აღმოსავლეთ საქართველოს ცალკეულ რაიონში შესაძლოა მცირე წვიმა აღინიშნოს. ინფორმაციას ამის შესახებ გარემოს ეროვნული სააგენტო ავრცელებს.
სააგენტოს ინფორმაციით, 16-17 ოქტომბერს ზოგან იქროლებს აღმოსავლეთის მიმართულების ძლიერი ქარი.
ჰაერის ტემპერატურა დასავლეთ საქართველოს დაბლობში +24, +29, აღმოსავლეთ საქართველოს ბარში კი +18, +23 გრადუსის ფარგლებში იქნება.
თბილისში 16-17 ოქტომბერს შესაძლებელია მცირე წვიმა. ჰაერის ტემერატურა +20, +22 გრადუსი იქნება.