საქართველოს ყოფილი პრეზიდენტი და ოდესის ყოფილი გუბერნატორი მიხეილ სააკაშვილი უკრაინელ ჟურნალისტებს უყვება, როგორ ცხოვრობს ამსტერდამში. ის ტელეარხის 1+1 გადაცემისთვის „უკრაინული სენსაცია“ ჩაწერეს.
სააკაშვილის თქმით, კომუნალური გადასახადებისთვის თვეში 300-350 ევრო სჭირდება, დამლაგებლის თანხის ჩათვლით კი თანხა 400 ევროს შეადგენს. საქართველოს ყოფილი პრეზიდენტის თქმით, ავტომობილი ველოსიპედით ჩაანაცვლა, საქმიანი სამოსი კი - ჯინსის შარვლებით.
მიხეილ სააკაშვილი აღნიშნავს, რომ პერიოდულად ფინანსურად დედა - გიული ალასანიაც ეხმარება.
„ახლა, როცა ყველას გვაქვს ფინანსური პრობლემები, დედაჩემი საკმარისს გამოიმუშავებს, რომ თავიც ირჩინოს, ჩემს ცოლს და შვილსაც დაეხმაროს, რომლებიც საქართველოში არიან და ხან მეც კი დამეხმაროს,“ - ამბობს სააკაშვილი.