გორში გაუჩინარებულ 9 წლის გოგონა გარდაცვლილი იპოვეს. როგორც „ინტერპრესნიუსისთვის“ გახდა ცნობილი, ცხედარი ექსპერტიზაზეა გადასვენებული. სხვა დეტალები ამ ეტაპზე უცნობია. მიმდინარეობს გამოძიება.
9 წლის გოგონა რამდენიმე საათის წინ გაუჩინარდა. მოზარდი მე-5 საჯარო სკოლის მესამე კლასის მოსწავლე იყო. როგორც სკოლაში აცხადებდნენ, ბავშვი გაკვეთილებზე იმყოფებოდა, შემდგომ სახლში წავიდა და შუადღით სახლიდან ამავე სკოლაში ცეკვის გაკვეთილზე უნდა დაბრუნებულიყო, თუმცა სკოლაში აღარ მისულა.