გასული ღამის განმავლობაში საქართველოში ორი მიწისძვრა მოხდა. პირველი - ონის სამხრეთ-აღმოსავლეთით, 14კმ-ში, სოფელ მართგაჯინაში, 5.1 მაგნიტუდის სიმძლავრის იყო და 5 კმ-ს სიღრმეზე დაფიქსირდა. მეორე მიწისძვრის ეპიცენტრი კი, საჩხერის სოფელ დრბოში იყო. მისი სიმძლავრე 3.3 მაგნიტუდას შეადგენდა.
კიდევ ერთი მიწისქვეშა ბიძგი დაფიქსირდა გუშინ, დღისით. სეისმური მონიტორინგის ცენტრის ინფორმაციით, 2.9 მაგნიტუდის სიმძლავრის მიწისძვრა 17:36 წუთზე მოხდა, ეპიცენტრი თბილისში მდებარეობდა.