დავით კირკიტაძის სახლთან პოლიციაა მობილიზებული

გაერთიანებული ოპოზიციის „ძალა ერთობაშიას“ და „ნაციონალური მოძრაობის“ ერთ-ერთი ლიდერის, დავით კირკიტაძის სახლთან სამართალდამცველები არიან მობილიზებული.

როგორც „ინტერპრესნიუსს“ „ნაციონალური მოძრაობის“ პრესსამსახურში განუცხადეს, ამ დროისთვის კირკიტაძე დაკავებული არ არის. მათივე თქმით, მათთვის უცნობია თუ რას უკავშირდება კირკიტაძის სახლთან სამართალდამცველების მობილიზება, თუმცა არ გამორიცხავენ, რომ ეს გუშინდელ აქციასთან იყოს კავშირში.