თბილისის მერი კახა კალაძე სოციალურ ქსელებში ძალიან აქტიურია. მისი "ინსტაგრამის" და "ფეისბუქის" გვერდზე ხშირად ნახავთ ოჯახურ და თბილისში მიმდინარე სიახლეების ამსახველ ფოტოებს. რამდენიმე საათის წინ, მერმა "ინსტაგრამის" პირად გვერდზე მეუღლესთან ერთად გადაღებული ემოციური ფოტო გამოაქვეყნა.
ფოტოზე წყვილი თბილისის მთავარი ნაძვის ხის ანთების ცერემონიაზე იმყოფება. ფოტოგრაფმა კადრი მაშინ დაიჭირა, როცა ანუკი და კახი ერთმანეთს ეხუტებოდნენ. "ჩემი ❤️" - დაასათაურა ფოტო კალაძემ.
"ძალიან მინდა ყველა წყვილს ასე ვხედავდე"; "გისურვებთ მუდამ ერთად იყოთ, ასე შეყვარებულები"; "მეხუთე გოგო ამ წელს დაგბედებოდეთ"; "საუკეთესო და მისაბაძი წყვილი" - წერენ ინტერნეტმომხმარებლები კომენტარებში და დედაქალაქის მერის ოჯახს საახალწლო სურვილებს უგზავნიან.