კიმ კარდაშიანი რამდენიმე თვეში ბავშვს ელოდება - მეოთხე შვილს მისთვის კვლავ სუროგატი გააჩენს

რეალითი შოუს ვარსკვლავი კიმ კარდაშიანი და მისი რეპერი ქმარი, კანიე უესტი მშობლები მეოთხედ გახდებიან. ამის შესახებ „დეილი მეილი“ წერს. ბავშვს წყვილს კვლავ სუროგატი დედა გაუჩენს. უკვე ცნობილია შვილის სქესიც - კარდაშიანი და უესტი პატარა ბიჭს მაისისთვის ელოდებიან.

კიმსა და კანიეს ახლა 5 წლის გოგონა ნორთი და ორი ბიჭი - 3 წლის სეინტი და 11 თვის ჩიკაგო ჰყავთ.

ჩიკაგო მათთვის სუროგატმა დედამ გააჩინა, რადგან ჯანმრთელობის მდგომარეობის გამო კარდაშიანისთვის ორსულობა სასურველი არ იყო. როგორც ტელევარსკვლავი ყვება, ორივე ორსულობამ სერიოზული გართულებების ფონზე ჩაიარა, მესამე კი, შესაძლოა, სიცოცხლის რისკის ფასად დაჯდომოდა.