ქუთაისელ ონისე მელქაძეს თავისი ძაღლი იმდენად უყვარს, რომ დაბადების დღე გადაუხადა და მეგობრებიც დაუპატიჟა. ბიმის, რომელიც 3 წლის გახდა, საკუთარი გამოსახულებით ტორტიც კი ჰქონდა. წვეულების ამსახველი ფოტოები ონისემ სოციალურ ქსელში გამოაქვეყნა.
"ბიმი და მისი მეგობრები, ჯერ ბავშვები დავაჯინეთ და მერე დიდები დავჯდებით სუფრასთან", - წერს ონისე ფოტოების აღწერაში.
როგორც პოსტის კომენტარებიდან ირკვევა, ეს პირველი შემთხვევა არ არის, როდესაც პატრონი საყვარელი ცხოველის იუბილეს აღნიშნავს. ფოტოებს უამრავი მოწონება და თბილი კომენტარი აქვს.