"ჩემი ცოლის დაქალების" ბოლო პერიოდის სერიებმა კიდევ ერთი საინტერესო მსახიობი გამოავლინა, რომელსაც საკუთარი გმირის ხასიათი ისე კარგად აქვს მორგებული, რომ საზოგადოებაში დიდი ინტერესი გამოიწვია. საუბარი ქეთისა და ზაზას შვილზე, ნიაკოზეა. მის როლს 7 წლის ნასტასია კალანდაძე ასრულებს, რომელიც პირველ კლასში სწავლობს და უკვე რამდენიმე წელია "ჩცდ"-ს მსახიობია. ნასტასიას სამსახიობო მონაცემები გენეტიკის დამსახურებაა - პატარა გოგონა მსახიობების, გიორგი კალანდაძის და ნათია წიწილაშვილის შვილია.
სხვათა შორის, ნათია თავადაც თამაშობდა ამ სერიალში, დორას რძლის, გუგუნას ცოლის როლს. ნათიამ და გიორგიმ ერთმანეთი სერიალ „ჩიფსების თაობის“ გადაღებებზეგაიცნეს, მალევე გაუჩნდათ გრძნობები და ოჯახი შექმნეს, თუმცა ბავშვის დაბადებიდან მოკლე დროში გაშორდნენ და ცალ-ცალკე ცხოვრობენ. ნასტასია დედასთან ცხოვრობს, მაგრამ აქტიური ურთიერთობა აქვს მამასთან. ნიაკოს რეალურ დედას, ნათიას, პატარა მსახიობზე mshoblebi.ge ესაუბრა:
- ნათია, ვისი იდეით მოხვდა სერიალში ნასტასია?
- რასაკვირველია, ეკა მჟავანაძის. როდესაც სერიალისთვის ნასტასიას ასაკის ბავშვი დასჭირდათ, დამირეკეს, მაშინ 3-4 წლის იქნებოდა, უარი არ მითქვამს და მივიყვანე. იქიდან მოყოლებული აქტიურად იღებს მონაწილეობას სერიალში.
- როგორ ახერხებდით იმას, რომ 3 წლის ბავშვი გაგეჩერებინათ კამერის წინ? გასაგებია, მაშინ ამხელა სცენები არ ჰქონდა სათამაშო, როგორც ახლა, თუმცა, მაინც რთული მეჩვენება ამ ასაკის ბავშვის გადაღებებში მონაწილეობა...
- თავიდან ისე იყო, რომ უბრალოდ კადრში უნდა გამოჩენილიყო ბავშვი. გადაღებები გვქონდა წავკისში, ყოველდღიურად ავდიოდით და ჩვეულებრივ სამუშაო რეჟიმში ვიყავით. მიუხედავდ იმისა, რომ დარბოდა აქეთ-იქით და მე დავდევდი, მაინც აკეთებდა იმასაც, რასაც ვეუბნებოდით, დამჯერი ბავშვია და არ გაგვჭირვებია არაფერი...წაიკითხეთ სრულად