„ქართული ოცნების" ცენტრალურ ოფისში ბიძინა ივანიშვილის ხელმძღვანელობით საპარლამენტო უმრავლესობის შეხვედრა მიმდინარეობს. შეხვედრათა ციკლი მმართველმა გუნდმა გუშინ დაიწყო და განხილვის მთავარი თემა, უზენაესი სასამართლოს მოსამართლეების საკითხია, რომელზეც როგორც იცით გუნდში განსხვავებული პოზიციებია.
საპარლამენტო უმრავლესობის წარმომადგენლების თქმით, გუშინდელ შეხვედრაზე ივანიშვილმა ერთგვარად მედიატორის როლი შეასრულა და ყველას აზრი მოისმინა. რას გადაწყვეტს დღეს ოცნების ლიდერი, რამდენიმე საათში გაირკვევა - ინტერპრესნიუსის ჟურნალისტი თამარ ტყემალაძე ახლა ოცნების ოფისშია და გვეტყვის გაკეთდა თუ არა განცხადებები შეხვედრის დაწყებამდე.