შარტავას ქუჩაზე, მშენებლობაზე დაღუპული 43 წლის მამაკაცი მერაბ ჩამგელიანია. როგორც "ინტერპრესნიუსს" გარდაცვლილი მამაკაცის ახლობელმა განუცხადა, მერაბ ჩამგელიანს 3 მცირეწლოვანი შვილი დარჩა. მისივე ინფორმაციით, მერაბ ჩამგელიანი მე-6 სართულის სიმაღლიდან ლიფტის შახტაში ჩავარდა.
ამ წუთებში ადგილზე ექსპერტ-კრიმინალისტები და პოლიციის თანამშრომლები მუშაობენ. არსებული ინფორმაციით, შარტავას ქუჩის 31-33 ნომერში სამშენებლო სამუშაოებს კომპანია "x2" აწარმოებს.