ესპანეთის სამართალდამცველებმა 3.3 ტონა კოკაინი ამოიღეს და დაჯგუფების, რომელსაც სამხრეთ ამერიკიდან ნარკოტიკები შემოჰქონდა, საქმიანობა აღკვეთეს. ამის შესახებ ინფორმაციას ესპანეთის ეროვნული პოლიცია ავრცელებს.
არსებული ინფორმაციით, დაკავებულია დაჯგუფების 11 წევრი, მათ შორის საქართველოს ერთი და უკრაინის რვა მოქალაქე.
ინფორმაციაში აღნიშნულია, რომ გემის დაკავება, რომელზეც ნარკოტიკების გადაზიდვა ხდებოდა, 30 იანვარს პორტუგალიის სანაპიროსთან მოხდა, რის შემდეგაც გემი გადაყვანილი იყო სეტუბალის პორტში, ხოლო დაჯგუფების წევრები ესპანელ სამართალდამცველებს გადასცეს, რომლებიც აღნიშნულ საქმეზე გამოძიებას ატარებდნენ.