"შავ ძაღლს ფეხი სტკივა და როცა დაჯდომა მოუნდება, ასე იქცევა თეთრი..." - ამ ფოტოს "ფეისბუქზე" ასობით ადამიანი აზიარებს

თბილისში, ფონიჭალაში გადაღებული სურათი, სადაც ჩანს, როგორ ზრუნავენ ძაღლები ერთმანეთზე, "ფეისბუქზე" 600-მდე ადამიანმა გააზიარა. ფოტო სოციალურ ქსელში მზია გოგალაძემ განათავსა.

"შავ ძაღლს ფეხი სტკივა და ვერ ჯდება კარგად ასფალტზე. თეთრი ძაღლი დასდევს და როცა დაჯდომა მოუნდება შავ ძაღლს, ასე იქცევა თეთრი..." - წერს ფოტოს ავტორი.

კომენტარებში კი ერთ-ერთი მომხმარებელი წერს, რომ ღამე, როდესაც თეთრ ძაღლს სძინავს, შავი დარაჯობს და მასთან ახლოს არავის უშვებს.