რუსმა სამართალამცველებმა მოსკოვში, ნაგვით სავსე ბინაში ჩაკეტილი ბავშვი იპოვეს, ინფორმაციას ria.ru ავრცელებს.
პოლიციამ ბინაში ჩხრეკა მეზობლების საჩივრების გამო ჩაატარა - კორპუსის მცხოვრებლები ამბობდნენ, რომ ბინიდან ტირილისა და ყვირილის ხმა ესმოდათ. ნაგვით სავსე სახლში აღმოჩენილი ბავშვი სამართალდამცველებმა კლინიკაში გადაიყვანეს.
სააგენტოს ცნობით, საგამოძიებო კომიტეტმა გამოაქვეყნა ბინაში გადაღებული ვიდეოც. უწყების ინფორმაციით, ბავშვს ანორექსია აღენიშნება, კისერზე დაზიანებები აქვს. ამას გარდა, გოგონას არ გააჩნია სოციალური უნარები - რუსული საინფორმაციო სააგენტოების ნაწილი ბავშვს „მაუგლის“ უწოდებს.
ვიდეოში ჩანს, რომ სახლი მთლიანად ნაგვით არის სავსე. გოგონას დედა დაკავებულია, მას სამართალდამცველები კითხავენ.