მობილური ოპერატორების ქსელი "ჯეოსელი" შეფერხებით მუშაობს. აბონენტები კავშირზე გასვლას ვერ ახერხებენ, ასევე არ მუშაობს კომპანიის ცხელი ხაზი და ვებ-გვერდი. ცოტა ხნის წინ კომპანიის "ფეისბუქის" გვერდზე აღნიშნულთან დაკავშირებით ინფორმაცია გავრცელდა:
"ჯეოსელის ქსელში ფიქსირდება შეფერხება როგორც ხმოვან, ასევე ინტერნეტ მომსახურებაზე. კომპანიის ტექნიკური სამსახური ინტენსიურ რეჟიმში მუშაობს არსებული ხარვეზის აღმოსაფხვრელად.ჩვენს აბონენტებს ბოდიშს ვუხდით ამ დისკომფორტისთვის და უახლოეს მომავალში შევატყობინებთ ინფორმაციას ქსელთან დაკავშირებით" - ნათქვამია კომპანიის მიერ გავრცელებულ ინფორმაციაში.