1989 წლის 9 აპრილის ტრაგედიიდან 30 წელი შესრულდა.
30 წლის წინ, ამ დღეს, გამთენიისას, საბჭოთა კავშირის შეიარაღებული ძალების ნაწილებმა თბილისის ცენტრში, პარლამენტის შენობასთან, მშვიდობიანი საპროტესტო აქცია დაარბიეს, რასაც მსხვერპლი მოჰყვა. დარბევის შედეგად 21 ადამიანი დაიღუპა. პარლამენტის წინ შეკრებილი ათასობით მოქალაქე დაუდგენელი შემადგენლობის გაზით მოიწამლა.
1991 წლის 9 აპრილს მაშინდელმა უზენაესმა საბჭომ საქართველოს სახელმწიფოებრივი დამოუკიდებლობის აღდგენა გამოაცხადა.
ფოტოგრაფმა დავით თაბაგარმა, თავისუფლების 30 წელს ემოციური ფოტოკოლაჟი მიუძღვნა. მან წლების წინ, საპროტესტო აქციების დროს გადაღებულ ფოტოებს თბილისში შესაბამისი ადგილების ფოტოები დაამატა და წარსულის შესანიშნავი რეტროსპექტივა მიიღო...
დაათვალიერეთ მეტი ფოტო ფბ-გვერდზე Tabagari