ჰარი და მეგანი კენსინგტონის სასახლეში აღარ ცხოვრობენ, წყვილი ფროგმორის კოტეჯში გადასახლდა. ბრიტანული მედიის ინფორმაციით, სასექსის ჰერცოგსა და ჰერცოგინიას სურთ, ბავშვი, რომელიც რამდენიმე დღეში დაიბადება, მშვიდ გარემოში გაიზარდოს.
ამას გარდა, „დეილი მეილი“ წერს, რომ წყვილი საკუთარ ბოსტანსაც გააშენებს, სადაც ბიოპროდუქტს მოიყვანენ.
მეგანის დამოკიდებულება ჯანსაღი კვების მიმართ ყველასთვის ცნობილია, მას ჰქონდა ბლოგი, სადაც ცხოვრების სტილისა და საკვების შესახებ წერდა. მარკლის თქმით, სამხრეთ კალიფორნიაში ცხოვრების დროს თავად მოჰყავდა ბოსტნეული.
„ის ხშირად ამზადებს საჭმელს ჰარისთვის და ფროგმორის კოტეჯი შესანიშნავი ადგილი იქნება, რომ თავად შეძლონ ბოსტნეულის, მწვანილისა და ხილის მოყვანა,“ - ამბობს სამეფო ოჯახთან დაახლოებული წყარო.