"სცენაზე შვილიშვილებთან ერთად ამოვედი" - "ქართულმა ოცნებამ" მთაწმინდის ოლქში მაჟორიტარობის კანდიდატად ლადო კახაძე წარადგინა

ჩვენ ერთად აუცილებლად გავიმარჯვებთ, - ასე მიმართა მთაწმინდის მაჟორიტარი დეპუტატობის კანდიდატმა ლადო კახაძემ ამომრჩეველს მთაწმინდის პარკში, სადაც ის "ქართულმა ოცნებამ" კანდიდატად დღეს ოფიციალურად წარუდგინა მთაწმინდელებს.

"მე სცენაზე ორ ახალგაზრდა კაცთან ერთად ამოვედი. ესენი ჩემი შვილიშვილები არიან. მთაწმინდაზე დაბადებული და გაზრდილი მეოთხე თაობის წარმომადგენლები. მათი და მათი მშობლების თაობის დიდი ნაწილი დაბადებამდე მინახავს, მე მათ ვერასდროს ვუღალატებ. მათი თვალებით დანახული მომავლის გააწმყოება მინდა. მათთვის და მათთან ერთად ლამაზი, შინაარსიანი, ადაპტირებული, განათლებული, უსაფრთხო და ღირსეული მომავლის აშენება მინდა. ჩვენ ერთად აუცილებლად გავიმარჯვებთ",- განაცხადა კახაძემ.