ავტორი:

"ვზრუნავდი მათზე, როგორც შვილებზეო" - რას ამბობს ორი არასრულწლოვანი გერის გაუპატიურებისთვის მსჯავრდებული მამაკაცი

"ვზრუნავდი მათზე, როგორც შვილებზეო" - რას ამბობს ორი არასრულწლოვანი გერის გაუპატიურებისთვის მსჯავრდებული მამაკაცი

ჩემი დაცვის ქვეშ მყოფს, არასრულწლოვან გერებთან ნორმალური ურთიერთობა ჰქონდა, ზრუნავდა და ზრდიდა, როგორც შვილებს. ძალიან გულნატკენია, რომ ასეთი ბრალდებით გაასამართლეს, - ამის შესახებ „ინტერპრესნიუსს“ ორი არასრულწლოვანი გერის გაუპატიურებისთვის მსჯავრდებული გ.ფ.-ს ადვოკატმა, თამარ გაბოძემ განუცხადა.

როგორც გაბოძე განმარტავს, მამაკაცი, რომელსაც დღეს სასამართლომ 18 წლით თავისუფლების აღკვეთა შეუფარდა, თავს დამნაშავედ არ სცნობს და თბილისის საქალაქო სასამართლოს გადაწყვეტილებას გაასაჩივრებს.

„ის დაკავებიდანვე არ სცნობდა თავს დამნაშავედ. რა თქმა უნდა, განაჩენს გავასაჩივრებთ. არსებობდა არასრულწლოვანთა ჩვენებები, რომელთაც ჩვენ სადაოდ ვხდიდით. შესაბამისად, ამ გადაწყვეტილებას სააპელაციო სასამართლოში გავასაჩივრებთ“, - აცხადებს გაბოძე.

როგორც ის განმარტავს, მსჯავრდებული მამაკაცი მის დაკავებას ოჯახის წევრებს უკავშირებს.

„თვითონ აცხადებს, რომ მისი დაკავების ინტერესი ოჯახის წევრებს ჰქონდათ, კერძოდ კი, მეუღლის დედას. ვიმეორებ, მისი თქმით, ის უდანაშაულოა. ბრალის მიხედვით, ჩემი დაცვის ქვეშ მყოფი 4 წლის განმავლობაში ახორციელებდა ძალადობას, მაგრამ თავს დამნაშავედ არ ცნობს“, - დასძენს ადვოკატი.

მამაკაცი, რომელიც ორი არასრუწლოვანი გერის გაუპატიურებისთვის არის მსჯავრდებული, 2019 წლის 28 აგვისტოს დააკავეს. შემთხვევა თბილისში მოხდა.

პროკურატურის ინფორმაციით, სასამართლოში წარდგენილი მტკიცებულებებით დადასტურდა, რომ, გ.ფ წლების განმავლობაში ძალადობის გამოყენებით სექსუალურ კავშირს ამყარებდა ორ არასრულწლოვან გერთან.

სამართალდამცველებმა გ.ფ თბილისში დააკავეს. მას ბრალდება საქართველოს სისხლის სამართლის კოდექსის 111,138-ე მუხლის მე-3 ნაწილის „დ“ და მე-4 ნაწილის „გ“ ქვეპუნქტებით (ოჯახის ერთი წევრის მიერ ოჯახის სხვა წევრის მიმართ გაუპატიურება, ჩადენილი ძალადობით და ძალადობის მუქარით, დამნაშავისთვის წინასწარი შეცნობით თოთხმეტი წლის ასაკს მიუღწეველთან) წარედგინა და აღკვეთის ღონისძიების სახით პატიმრობა შეეფარდა.

ვინ დაპატიჟა შაქარაშვილი საბედისწერო წვეულებაზე და რას ყვება ჩვენებაში ფეხბურთელის მეგობარი - "გახარებული ემზადებოდა დაბადების დღეზე წასასვლელად..."

"ყველაფერი იკადრეს, რომ დაზარალებულის დისკრედიტაცია მოეხდინათ" - რა ხდება ბასილაშვილი-დოროყაშვილის საქმეში

ამერიკელი სტუდენტის სავარაუდო გაუპატიურების საქმე - პროკურატურამ მსხვერპლ ქალს დაზარალებულის სტატუსი არ მიანიჭა