ბერა ივანიშვილი და ნანუკა გუდავაძე შვილს ელოდებიან. ამის შესახებ ექსპრემიერის ვაჟის "ინსტაგრამზე" გამოქვეყნებული ფოტოდან გახდა ცნობილი. ბერამ სოციალურ ქსელში ჩვილის წინდების ფოტო გამოაქვეყნა, წარწერით: ჩვენი პირველი ანგელოზი გზაშია. წყვილს სასიხარულო ამბავს უამრავი ადამიანი ულოცავს, მათ შორის არიან თბილისის მერი კახა კალაძე და მისი მეუღლე ანუკი არეშიძე.
ნანუკამ და ბერამ ჯვარი გასული წლის 11 ნოემბერს სვეტიცხოველში დაიწერეს. სვეტიცხოველში ნანუკას თეთრი კაბა ეცვა, ტრადიციული ქართული ელემენტებით, ბერას კი - ასევე თეთრი ფერის ჩოხა.
წვეულებაზე 150 ადამიანი იყო დაპატიჟებული, მათ შორის პოლიტიკოსთაგან კახი კალაძე და ირაკლი ღარიბაშვილი. ქორწილს აფორმებდა ანსამბლი "ერისიონი" და ფრანგი და ბრაზილიელი მუსიკოსები. მიწვეულთა შორის არ აღმოჩნდა ბერა ივანიშვილის ნათლია, მომღერალი თამრიკო ჭოხონელიძე.
ჯვრისწერის შემდეგ ქორწილი კოჯორთან მდებარე კომპლექსში Bioli Hall-ში გაიმართა. ქორწილისთვის მთლიანი კომპლექსი უამრავი ყვავილით იყო მორთული. რესტორანში ნანუკა გუდავაძეს რალფ რუსოს 2017 წლის კოლექციის ულამაზესი ცისფერი კაბა ეცვა, რომელიც 42 ათასი დოლარი ღირს.