"აქტიურობა დაიწყეთ 7 მაისიდან..." - რას უნდა ველოდეთ ახალმთვარეობისგან

რას უნდა ველოდეთ და როგორ უნდა მოვიქცეთ ახალმთვარეობას, რომელიც ამჯერად კუროს ზოდიაქოში ხდება. ამასთან დაკავშირებით სოციალურ ქსელში ასტროლოგი ხათუნა ნოელი წერს:

"5-ში თბილისის დროით 02:45-ზე მზემ და მთვარემ ერთ გრადუსზე მოიყარეს თავი. ზეგავლენა უკვე დღეიდან იგრძნობა.

ახალმთვარეობის წერტილი უძრავ ვარსკვლავს Navi-ს უერთდება, რაც უსათუოდ მოახდენს თავის ზეგავლენას მთვარის მომდევნო ფაზაზე. მთელი 2 კვირის განმავლობაში ეს ვარსკვლავი აღგვჭურვავს ცინცხალი გონებით, დიპლომატიის უნარით, ფილოსოფიური აზროვნებისაკენ მიდრეკილებით. საჭიროა, რომ ეს თვისებები სწორად გამოვიყენოთ მიმდინარე პერიოდის ცხოვრებისეული ამოცანების გადაჭრაში. ამოცანები კი ახლა აშკარად მატერიალური საკითხების მოგვარებაში მდგომარეობს. ვინაიდან ეს ახალმთვარეობა კუროს ზოდიაქოში გვაქვს.

კუროს მე-15 გრადუსი განიმარტება, როგორც დაფარული საიდუმლოს გაშიფრვა, საგანძურის პოვნა, ე.წ. განდობის სიმბოლო. რასაც კიდევ უფრო ამტკიცებს ახალმთვარეობის წერტილის ნეპტუნთან ჰარმონიული ასპექტი. ამ ყველაფერს სტაბილურობას მატებს სატურნის ტრინი და ჩვენც, ალბათ მხოლოდ ისღა დაგვრჩენია, რომ ცოტა თავადაც მოვინდომოთ.

აქტიურობა დაიწყეთ 7 მაისიდან. მანამდე მოიფიქრეთ, რა უნდა გააკეთოთ, გეგმები დააწყეთ, გზები მოიძიეთ.

კოსმოსის მხარდაჭერასა და წარმატებებს გისურვებთ".