ავტორი:

1 000 000 გადარჩენილი სიცოცხლე - ვოლვო მალე საქართველოში

1 000 000 გადარჩენილი სიცოცხლე - ვოლვო მალე საქართველოში

VOLVO Cars 2019 წლიდან საქართველოში შემოდის. წარმოდგენილი იქნება სრული სამოდელო რიგი როგორც ბენზინის, ასევე ჰიბრიდული (PHEV) და ელექტრო (EV) ავტომობილები, რომლებიც მოიცავს XC (SUV), S (სედანი), V (უნივერსალი) და Cross Country (მაღალი კლირენსის მქონე უნივერსალ SUV-ი) სერიებს.

2018 წელს VOLVO Cars-ის მიერ წარმოებული XC 40 გახდა წლის საუკეთესო ავტომობილი.

VOLVO არის პრემიუმ ბრენდი, რომელიც გამოირჩევა უნიკალური და დახვეწილი შვედური დიზაინით. იგი აღიარებულია როგორც მსოფლიოში ყველაზე უსაფრთხო ავტომობილი.

ვოლვოს ინჟინერმა 1959 წელს გამოიგონა სამწერტილოვანი უსაფრთხოების ღვედი და ამის შემდეგ ყველა ავტომწარმოებელი დღემდე ამავე უსაფრთხოების სისტემას წარმატებულად იყენებს. დღევანდელი მონაცემებით ვოლვომ მსოფლიოს გარშემო 1 000 000 -ზე მეტი ადამიანის სიცოცხლე გადაარჩინა ღვედის გამოგონების შედეგად.

ვოლვომ იზრუნა არამარტო ზრდასრულ ადამიანებზე, არამედ ბავშვებზეც, ის პირველი ავტომწარმოებელია, რომელმაც შექმნა ბავშვის სავარძელი, რათა ისინი უსაფრთხოდ გადაადგილდნენ.

2019 წლიდან კი VOLVO Cars-მა უკვე დაიწყო უსაფრთხოებაზე ზრუნვა არამარტო მამაკაცი მძღოლებისთვის, როგორც ეს მსოფლიოს გარშემო მიღებული პრაქტიკაა, არამედ სპეციალურად ქალის მონაცემებზე დაყრდნობით ცდილობს გააუმჯობესოს მათთვის უსაფრთხოება.აღსანიშნავია, რომ 2020 წლის მთავარი მიზანი ვოლვოსთვის არის მანქანაში სერიოზულად დაშავებულთა და დაღუპულთა რიცხვი ნულოვან ნიშნულზე დაიყვანოს.

ვოლვო ოპერირებს მსოფლიო ბაზარზე 1927 წლიდან. დღეს VOLVO Cars არის ერთ-ერთი ყველაზე ცნობილი და აღიარებული ბრენდი მსოფლიოში, რომელმაც 642,253 მანქანის რეალიზაცია მოახდინა 2018 წელს, დაახლოებით 100 ქვეყანაში.

VOLVO Cars-ის სათავო ოფისი მდებარეობს შვედეთში, ქ. გოტენბურგში. ასევე VOLVO Cars-ის ერთ-ერთი მნიშვნელოვანი ოფისი მდებარეობს ჩინეთში, ქ. შანხაიში. კომპანიის მთავარი ქარხნები მდებარეობს გოტენბურგში (შვედეთი) და გენტში (ბელგია).

სადაზღვევო კომპანია პრაიმში მასშტაბური აქცია დაიწყო! - დააზღვიე ავტომობილი და დაიბრუნე გადახდილი თანხის ნახევარი!

როგორ შევარჩიოთ გათბობის სისტემა სწორად? - სპეციალისტის რჩევები

სასარგებლო რჩევები ავტომფლობელთათვის