ავტორი:

"ჩემი ოჯახი განადგურებას გადაურჩა" - სოსო გოგაშვილის პირველი კომენტარი მალხაზ მაჩალიკაშვილთან დაკავშირებით

"ჩემი ოჯახი განადგურებას გადაურჩა" - სოსო გოგაშვილის პირველი კომენტარი მალხაზ მაჩალიკაშვილთან დაკავშირებით

სახელმწიფო უსაფრთხოების სამსახურის უფროსის ყოფილი პირველი მოადგილე სოსო გოგაშვილი მალხაზ მაჩალიკაშვილთან დაკავშირებით პირველ კომენტარს "ინტერპრესნიუსთან" აკეთებს. სააგენტომ სოსო გოგაშვილთან ექსკლუზიური ინტერვიუ ჩაწერა.

როგორც გოგაშვილი სააგენტოსთან ინტერვიუში აცხადებს, სუს-ის მიერ გავრცელებული ინფორმაციის დაჯერება არ უჭირს, რადგან იცის, რომ მალხაზ მაჩალიკაშვილისთვის „ამგვარი ქმედებები უცხო არ არის“.

ამასთან, გოგაშვილი მადლობას უხდის სუს-ს, რომ მისი ოჯახი „განადგურებას გადაურჩა“.

"ძალიან დიდი მადლობა სახელმწიფო უსაფრთხოების სამსახურს, რომ მომზადების პროცესში აღკვეთა ეს დანაშაული და ჩემი ოჯახი ფაქტობრივად, განადგურებას გადაურჩა, რადგან მაჩალიკაშვილს ეს ჰქონდა დაგეგმილი. ახლა უკვე პროკურატურაზეა ჯერი და მინდა პროკურატურამ ყურადღება მიაქციოს, ეს ადამიანი როგორ მივიდა ამ დანაშაულის ჩადენამდე და მომზადებამდე. ეს ადამიანი ეტაპობრივად, ნაბიჯ-ნაბიჯ ემზადებოდა ამ დანაშაულის ჩასადენად.

არ გამჭირვებია ამის დაჯერება, რადგან მქონდა ინფორმაცია, რომ მას შესაძლოა, ეს ჩაედინა. მაჩალიკაშვილისთვის ამგვარი ქმედებები უცხო არ არის. მას აქამდეც ჰქონდა კავშირები იმგვარ დაჯგუფებებთან, როგორიცაა ახმეტ ჩატაევის დაჯგუფება", - განაცხადა გოგაშვილმა "ინტერპრესნიუსთან" ექსკლუზიურ ინტერვიუში.

"რაც შეგვეძლო ყველაფერი გავაკეთეთ... თუ ვინმეს აქვს პრეტენზია, შეიტანოს საჩივარი" - შს მინისტრი 14 წლის გოგოს სუიციდის საქმეზე

შრომის ინსპექციამ ზურაბ ჯაფარიძის გარდა, გუშინ სოციალური ღონისძიების გამართვისთვის 4 ობიექტი დააჯარიმა

ინფორმაცია, რომ პატიმრებს შორის დაპირისპირება მოხდა და სამი მათგანი გარდაიცვალა, სიცრუეა - პენიტენციური სამსახური განცხადებას ავრცელებს