ექიმმა პაციენტები აივ-ინფექციით დაასნებოვნა, მათ შორის 65 ბავშვია - პაკისტანში გამოძიება მიმდინარეობს

პაკისტანში დააკავეს ექიმი, რომელიც პაციენტებთან აივ-ინფექციით დაბინძურებულ ნემსს იყენებდა. Independent-ის ინფორმაციით, 90-მდე ადამიანია ინფიცირებული, მათგან 65 ბავშვია.

ექიმი მუზაფარ განგარო ქვეყნის სამხრეთით მდებარე ქალაქ ლარკანაში მუშაობდა.

ადგილობრივი პოლიციის უფროსის, კამრან ნავაზის თქმით, საჩივარი ჯანდაცვის ორგანიზაციებმა შეიტანეს. მისივე ინფორმაციით, აივ-ინფექციით თავად ექიმიც არის დასნებოვნებული.

პაკისტანური გაზეთის Dawn ინფორმაციით, სისხლის ანალიზით სულ მცირე 88 ადამიანს დაუდგინდა ინფექცია.

ექიმი განგარო ბრალდებებს უარყოფს, ის ამბობს, რომ არ იცოდა, თუ აივ-დადებითი იყო.