თბილისში, ბელიაშვილის ქუჩაზე მომხდარ ავარიას 30 წლამდე მამაკაცის სიცოცხლე ემსხვერპლა. ერთმანეთს მოტოციკლი და მსუბუქი მარკის ავტომობილი შეეჯახნენ. შემთხვევის შედეგად მოტოციკლის მძღოლი ადგილზე გარდაიცვალა.
როგორც AMBEBI.GE-ს შსს-ს პრესსამსახურში განუცხადეს, მომხდარზე გამოძიება 276-ე მუხლის მეექვსე ნაწილით დაიწყო, რაც მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.