გიორგი მშვენიერაძემ აქციაზე გიორგი გახარიას ტელეფონის ნომერი გამოაცხადა და ყველას მოუწოდა, მიწერონ - "წადი!!!"

არასამთავრობო ორგანიზაცია „საქართველოს დემოკრატიული ინიციატივის“ ხელმძღვანელმა, გიორგი მშვენიერაძემ შინაგან საქმეთა მინისტრის, გიორგი გახარიას საკონტაქტო ნომერი პარლამენტის წინ, საპროტესტო აქციაზე გამოაცხადა. მან აქციაზე შეკრებილ მომიტინგეებს მიმართა, რომ მათ გახარიას მოკლე ტექსტური შეტყობინე მისწერონ შინაარსით: "წადი!!!"

"ყველა ვხსნით ტელეფონს, ვისაც გინდათ, რომ თქვენი ხმა პირადად გაიგოს გიორგი გახარიამ. ვწერთ ტექსტს "წადი!!!" და ვკრეფთ ნომერს. ერთად ვაგზავნით ყველა! ახლა მაინც გაიგონებს ჩვენს ხმას. ბატონო გიორგი, წადით, წადით, წადით!" - მიმართა მშვენიერაძემ აქციაზე შეკრებილ ადამიანებს.

• VIDEO: "ყველა ვხსნით ტელეფონს, ვისაც გინდათ თქვენი ხმა გაიგოს" - აქციაზე გიორგი გახარიას ტელეფონის ნომერი გამოაცხადეს