თელავის მუნიციპალიტეტის სოფელ ვარდისუბანში 27 წლის ქალი დაჭრეს. შემთხვევა ცოტა ხნის წინ მოხდა. ადგილობრივების ინფორმაცით, თანასოფლელის ნასროლი ტყვია ქალს შემთხვევით მოხვდა და მისი მისამართით არ უსვრიათ.
დაჭრილს დაზიანებები გულ-მკერდის არეში აქვს მიყენებული და ის თელავი რეფერალურ საავადმყოფოშია მოთავსებული. ექიმის თქმით, დაჭრილი ქალის მდგომარეობა ამ ეტაპზე დამაკმაყოფილებელია და ყველა შესაბამისი გამოკვლევა უტარდება. შინაგან საქმეთა სამინისტროს ინფორმაციით, მომხდარზე გამოძიება სსკ-ს 19-108-ე მუხლით დაიწყო, რაც მკვლელობის მცდელობას გულისხმობს.