ვინ არის პატრული, რომელმაც რუსთავში დაკვამლიანებული ბინიდან მცირეწლოვანი უსაფრთხოდ გამოიყვანა

რუსთავში საცხოვრებელი კორპუსის ლიფტის შახტაში ცეცხლი გაჩნდა, რამაც სადარბაზოში ძლიერი დაკვამლიანება გამოიწვია. ადგილზე მეხანძრე-მაშველები და სამართალდამცველები მუშაობდნენ. ხანძრის ლიკვიდირება ოპერატიულად მოხერხდა. ძლიერი დაკვამლიანების გამო საჭირო გახდა მოსახლეობის საცხოვრებელი ბინებიდან გარიდება.

ერთ-ერთ დაკვამლიანებულ ბინაში მცირეწლოვანი იმყოფებოდა, რომელიც პატრულ-ინსპექტორმა გიორგი ჩილაჩავამ უსაფრთხოდ გამოიყვანა. ჩილაჩავა 43 წლისაა და 24 წელია პოლიციის რიგებში ირიცხება.