გერმანიის კანცლერი ანგელა მერკელი ძლიერი კანკალით უკვე მესამედ დააფიქსირეს - "დეილი მეილი" აქვეყნებს ვიდეოს, სადაც მერკელი ფინეთის პრემიერ-მინისტრთან ერთად დგას.
პირველად კანცლერი შესამჩნევი კანკალით უკრაინის პრეზიდენტთან, ვლადიმერ ზელენსკისთან ერთად გადაიღეს - მაშინ მერკელმა განაცხადა, რომ ეს დეჰიდრაციის გამო მოხდა, მოგვიანებით დიდი რაოდენობით წყალი დალია და ყველა სიმპტომი მოეხსნა.
მეორედ ასევე ძლიერი კანკალით გერმანიის კანცლერი 27 ივნისს დააფიქსირეს - იაპონიაში, დიდი ოცეულის სამიტზე გაფრენამდე და მისი ჯანმრთელობის მდგომარეობა კვლავ ეჭვქვეშ დადგა. მისმა წარმომადგენელმა კი მედიას განუცხადა, რომ კანცლერი თავს შესანიშნავად გრძნობდა და არცერთი დაგეგმილი შეხვედრა არ გადაიდებოდა.
რა შეიძლება იყოს მისი კანკალის მიზეზი, ექიმებს სხვადასხვა ვერსია აქვთ - მედიკოსები ფიქრობენ, რომ მერკელს, შესაძლოა თიროიდი, ანდა - სისხლში შაქრის დაბალი შემცველობა ჰქონდეს. თუმცა, არც დეჰიდრაციას, ანდა პარკინსონის დაავადებას გამორიცხავენ.