გიორგი გახარია - ბიძინა ივანიშვილმა 20 ივნისის მოვლენების შესახებ მეორე დღეს გაიგო

შინაგან საქმეთა მინისტრის, გიორგი გახარიას განცხადებით, 20 ივნისს, რუსთაველის გამზირზე განვითარებული მოვლენების და დარბევის შესახებ ბიძინა ივანიშვილმა მეორე დღეს გაიგო. ამის შესახებ გიორგი გახარიამ გენერალური პროკურატურიდან გამოსვლის შემდეგ ჟურნალისტებს განუცხადა.

როგორც შინაგან საქმეთა მინისტრმა აღნიშნა, ბიძინა ივანიშვილმა მას თავად დაურეკა.

"მეორე დღეს გაიგო, დრო არ მახსოვს. იმ ღამეს არ იცოდა. მე არ მქონია პირადად კომუნიკაცია. მან დამირეკა მეორე დღეს და მე ავუხსენი, რა მოხდა იმ ღამეს“, - განაცხადა გახარიამ.

ცნობისთვის, შინაგან საქმეთა მინისტრი გიორგი გახარია გენერალურ პროკურატურაში გამოიკითხა. გახარიამ საგამოძიებო უწყება რამდენიმე წუთის წინ დატოვა. გახარიას გამოკითხვა 20-21 ივნისის მოვლენების საქმეზე მოხდა.

• VIDEO: გიორგი გახარიას გამოკითხვა პროკურატურაში - რა განაცხადა შს მინისტრმა უწყებიდან გამოსვლის შემდეგ?