ირაკლი ოქრუაშვილმა საპატიმროდან წერილი გამოაგზავნა - "არანაკლებ გავაგრძელებ ივანიშვილის ხელისუფლების ნგრევას"

თავდაცვის ყოფილმა მინისტრმა და „გამარჯვებული საქართველოს“ ლიდერმა ირაკლი ოქრუაშვილმა საპატიმროდან წერილი გამოაგზავნა. წერილი ჟურნალისტებს მისმა ადვოკატმა გააცნო.

"ივანიშვილის ხელისუფლებიდან მოშორებისთვის, თუ საჭიროა ციხეში ვიჯდე, ვიჯდები იმდენ ხანს, რამდენ ხანსაც მომიწევს. ციხიდან არანაკლებ გავაგრძელებ მისი ხელისუფლების ნგრევას და არ დავუთმობ არც "რუსთავი 2"-ს და ვერც სხვა საქმეებზე გამაჩერებს", - წერს ირაკლი ოქრუაშვილი.

ირაკლი ოქრუაშვილი 20-21 ივნისის მოვლენების საქმეზე ჯგუფური ძალადობის ორგანიზების, ხელმძღვანელობისა და მასში მონაწილეობის ბრალდებით გუშინ დააკავეს.