ლევან ბერძენიშვილი თბილისის ერთ-ერთი მაღაზიიდან გამოაგდეს
პარტია „რესპუბლიკელების“ დამფუძნებელი, ყოფილი დეპუტატი, ფილოლოგი ლევან ბერძენიშვილი თბილისის ერთ-ერთი მაღაზიიდან გამოაგდეს.
ამის შესახებ ბერძენიშვილი "ფეისბუქის" პირად გვერდზე წერს და ვიდეოსაც ავრცელებს, რომელშიც ჩანს, როგორ აღებს კარს მაღაზიის მეპატრონე და ყოფილ დეპუტატს გარეთ გასვლისკენ მოუწოდებს სიტყვებით: "თქვენისთანა ნაძირლებს არ ვემსახურებით".
"ნავთლუღში, აგროსერვისის მაღაზიაში გამყიდველმა თუ მეპატრონემ ლოკოკინებთან საბრძოლველი ქიმიკატი არ მომყიდა, თქვენისთანა ნაძირლებს არ ვემსახურებიო. მოსალოცად გაქვთ საქმე, ამხ. ქოცებო!" - წერს ბერძენიშვილი.
ყოფილი დეპუტატის მიერ გავრცელებულ ვიდეოს დიდი გამოხმაურება მოჰყვა. კომენტარებში ფაქტს ამაზრზენს უწოდებენ:
"ცუდად გავხდი! შენნაირი "ნაძირალა" რამდენი ჰყავს ნეტავ ამ ქვეყანას?! მორღვეული ცნობიერებისა და ღირებულებების ხალხი!"
"ლიბერალები არ "ევასებიენ"; "თავად ნაძირალა"; "მასონთა ლოჟაში დაგინახათ წინ დღით და ჯავრი იყარა"; "სამწუხაროა, არ მიკვირს მაგათგან" - წერენ კომენტარებში აღშფოთებული ინტერნეტმომხმარებლები.