ავტორი:

რა ელით სტუმრებს განახლებულ "შერატონ გრანდ თბილისი მეტეხი პალასში"

რა ელით სტუმრებს განახლებულ "შერატონ გრანდ თბილისი მეტეხი პალასში"

უნიკალური ადგილმდებარეობა, დახვეწილი დიზაინი, გამორჩეული სამზარეულო, საკუთარი გამაჯანსაღებელი ცენტრები, მაღალი დონის მომსახურება და სხვა - სასტუმრო "შერატონ გრანდ თბილისი მეტეხი პალასი" საქართველოს ბაზარზე სტატუსი „გრანდით“ დაბრუნდა და უკვე დაიმსახურა კიდეც საერთაშორისო აღიარება.

"შერატონის" ლეგენდარული ბრენდი, რომელიც მსოფლიოში 1937 წლიდან ფუნქციონირებს და თითქმის საუკუნეა, რაც მსოფლიოს დედამიწის სხვადასხვა კუთხეში უყრის თავს, თბილისში პირველი მარტიდან განახლებული სასტუმროთი წარდგა მსოფლიოს წინაშე.

განახლებულ „შერატონ გრანდ თბილისი მეტეხი პალასში“ ქართული აქცენტი ყველაფერში ჩანს - ინტერიერის დიზაინი, პერსონალის უნიფორმა, რომელიც ჩოხას ჩამოჰგავს, 2600კვ.მ-ზე გაშლილი საკონფერენციო დარბაზების სახელწოდებებიც კი: კავკასიონი, გერგეთი, გომბორი, მტირალა, უშბა…

ღვინის ბიბლიოთეკა, თანამედროვე ქართული გრილის რესტორანი „ათი“, გამაჯანსაღებელი ცენტრი ფიტნეს-დარბაზებით, იოგასა და პილატესის ოთახებით, სპა-ცენტრითა საუნებით, სახელად „პაუზა“ - ესაა არასრული ჩამონათვალი იმ სერვისებისა, რომელსაც შერატონი სთავაზობს სტუმარს.

განახლებულ სასტუმროში თითოეული დეტალი „შერატონის“ ძველ იმიჯსა და განახლებული კონცეფციის შესახებ ერთობლივად ყვება. ფოიეში კი ის ლეგენდარული პანორამული ლიფტებია შენარჩუნებული.

სასტუმროს პირველ სართულზე სპა და გამაჯანსაღებელი ცენტრებია განთავსებული. ვრცელი დარბაზი უახლეს ტრენაჟორებს უკავია; აქვეა იოგასა და პილატესის ოთახებიც. სტუმრებს განახლებული გარე აუზითაც შეუძლია სარგებლობა. აღსანიშნავია, რომ აუზის ტერიტორიაზე მწვანე საფარი ხეებით ხელუხლებლადაა შენარჩუნებული.

ერთი სართულით ქვევით „პაუზისკენ“ ჩაინაცვლებთ. „პაუზა“ „შერატონის“ სპა-ცენტრია. აქ მართლაც შესაძლებელია დროის „დაპაუზება“ - სასიამოვნო პროცედურებით თავის განებივრება და დასვენება. მასაჟი, ორი ტიპის საუნა, ორთქლის აბანო, შიდა აუზები და თურქული ჰამამები - „შერატონი“ სტუმრებს რელაქსაციისთვის მაქსიმალურ არჩევანს სთავაზობს.

სასტუმროს პირველ სართულზე ბარი, განახლებული ტერასა გაშლილი ხედებით და ღვინის ბიბლიოთეკაა განთავსებული. ღვინის ბიბლიოთეკაში 1600 ბოთლზე მეტი დასახელების ღვინის დაჭაშნიკებაა შესაძლებელი. სომელიე სტუმრებს ყოველ საღამოს აცნობს ქართული კულტურის მნიშვნელოვან კომპონენტს.

ბიბლიოთეკაში ღვინის 80% ქართულია. მათგან უმეტესობა კი იშვიათი, ბუტიკური მარნებია, რომლებიც სპეციალისტების მიერ სათითაოდ შეირჩა.

ბარის გავლით ტერასაზე მოხვდებით, სადაც ქართული და ევროპული სამზარეულოს დაგემოვნება და თბილისის ხედებით ტკბობა დღის ნებისმიერ მონაკვეთშია შესაძლებელი.

საღამოს 6 საათიდან კი ნამდვილ გურმანებს რესტორანი „ათი“ მასპინძლობს. რესტორანი „ათი“ სასტუმროს მეათე სართულზეა განთავსებული. ქართული სამზარეულოს კულინარიული შედევრების გაცნობა სწორედ აქაა შესაძლებელი.

გიორგი ნინუა რესტორან „ათის“ მენიუზე განსაკუთრებით ზრუნავს. მენიუ ქართული სამზარეულოთია შექმნილი და შთაგონებული. ნაცნობი ქართული გემოები განახლებული ვიზუალით და თანამედროვე გადაწყვეტებით - ესაა გიორგი ნინუას მიერ შექმნილი ექსპერიმენტული, თანამედროვე და, ამავე დროს, ტრადიციული კულინარია.

რესტორნის ინტერიერის დიზაინი ისეა დაგეგმარებული, რომ თითოეული სტუმარი დარბაზის სიღრმიდანაც კი ტკბებოდეს ძველი თბილისის შთამბეჭდავი ხედებით. რესტორანს ორი მხრიდან ტერასა არტყამს; ეკლექტური ავეჯი და გამწვანებული ინტერიერიც ქართული კონცეფციის ნაწილია.

კეთილგანწყობილი, თავდაჯერებული და საზოგადოებაზე ორიენტირებული - „შერატონის“ სამი მთავარი ღირებულება თბილისის განახლებულ სასტუმროში კვლავ გაერთიანდა.

ბრენდის ერთსაუკუნოვანი ტრადიციებითა და ღირებულებებით და სასტუმროს მდიდარი ისტორიით, განახლებული "შერატონ გრანდ თბილისი მეტეხი პალასი" 1-ლი მარტიდან ისევ ეპატიჟება და აერთიანებს მსოფლიოს საქართველოს დედაქალაქში.

სადაზღვევო კომპანია პრაიმში მასშტაბური აქცია დაიწყო! - დააზღვიე ავტომობილი და დაიბრუნე გადახდილი თანხის ნახევარი!

როგორ შევარჩიოთ გათბობის სისტემა სწორად? - სპეციალისტის რჩევები

სასარგებლო რჩევები ავტომფლობელთათვის